新モンゴル高等学校へようこそ
ерөнхий боловсролын шинэ монгол сургууль
SHINE MONGOL HIGH SCHOOL

Дунд сургуулийн онцлог, давуу талууд

Дунд сургуулийн онцлог, давуу талууд



“ШИНЭ МОНГОЛ” ДУНД сургууль нь байгалийн ухаан, гадаад хэлний төрөлжсөн сургалттай сургууль бөгөөд 2005 оны 2 сард анхны 7, 8-р ангийн 2 бүлэгт 31 сурагч элсүүлж сургалт хүмүүжлийн үйл ажиллагаагаа явуулж эхэлсэн. 2008-2009 оны хичээлийн жилд 6-9-р ангийн 8 бүлэгт, 187 сурагчтай амжилттай суралцаж байна. Одоогийн байдлаар 9-р ангийн 4 нийт 160 гаруй сурагч төгсөж, 5 дахь жилдээ сургалт хүмүүжлийн ажлаа явуулж байна.   

     Манай сургууль нь дунд боловсролын батлагдсан стандарт хөтөлбөрийг 20-30%-ийн баяжилттай заадаг ба сурагчдын нийгмийн идэвх оролцоог бүхий л талаар хөгжүүлэх зорилгоор 6 төрлийн секц, дугуйланд хамруулдаг. 
Мөн математик, физик, хими, англи хэл, япон хэлний СОНГОН суралцах хичээл хичээллүүлдэг ба англи, япон хэлийг зэрэг судална. Дүүрэг, хот, улсын чанартай олимпиад, уралдаан тэмцээнд багш-сурагчид тогтмол амжилттай оролцдог бөгөөд нийт 66 медаль хүртжээ. 

     Хагас жил тутамд бага сургуулийн НЭРЭМЖИТ тэтгэлгийг 4 сурагчид олгодог бөгөөд сурлагаараа эхний 3 байрт шалгарсан сурагчдад олгогддог мөн дунд сургуульдаа амжилттай суралцаж төгссөн тохиолдолд элсэлтийн шалгалтгүй ахлах сургуульдаа дэвшин суралцах боломжтой.й

Бэлгэ тэмдэг


Сургуулийн бэлгэ тэмдэг нь монголчуудын эртнээс эрхэмлэн ирсэн нар, сарыг дүрсэлсэн дэвсгэр дээр Шинэ Монгол гэдэг үгийн толгой үсгийг монгол эвхмэл бичгээр бичсэн байдалтай байна. Суурь өнгө нь мандан бадрахын бэлгэдэл улаан, цэвэр ариун сүүн сэтгэлийн бэлгэдэл цагаан өнгөний хослол байна. Сургуулийн туг нь хөрст дэлхийг бэлгэдсэн ногоон суурь өнгөн дээр сургуулийн бэлгэ тэмдгийг голлуулж, доор нь Ерөнхий боловсролын Шинэ Монгол сургууль гэж бичсэн байна. Хичээлийн шинэ жилийн нээлт, хаврын төгсөлтийн баяр болон сургуулиас зохион байгуулж буй уралдаан тэмцээн, сургалт хүмүүжлийн аливаа арга хэмжээнд сургуулийн тугийг тайз болон ёслолын талбайд байрлуулна. Сургуулийн туг манай сургуулийн цог хийморь, амжилт бүтээлийн бэлгэдэл тул газарт тавихгүй хүндэтгэлтэй хандана.

Шинэ Монгол сургуулийн сүлд дуу ♪

Хөгжмийг Д.Эрдэнэбаяр Шүлгийг М.Буянтогтох
Наран улсын итгэл тээж
Номын ариун хур буулгасан
Ирэх цагийн эрдмийн орой
Идэр насны мөнхийн дуулал
   Дахилт:      
Шинэ Монгол, Шинэ Монгол
Азийн зүрхэнд ассан гал
Шинэ монгол, шинэ монгол
Алдраа өргөсөн манай сургууль
Буурал түүхийг алтаар ширээж
Баян Монголд алдраа өргөсөн
Залуу насны эрдмийн гараа
Замбуулинг багтаах эрдмийн өргөө
Дахилт:      
Бумбын сайхан орныхоо
Буяныг дагаад сансарт цойлсон
Алтан соёмбоо тэнгэрт мандуулж
Ариун үйлсээр цацлаа өргөнө
Дахилт: