新モンゴル高等学校へようこそ
ерөнхий боловсролын шинэ монгол сургууль
SHINE MONGOL HIGH SCHOOL

Шинэ Монгол Бага сургууль

Бага сургуулийн сургалтын хөтөлбөр, онцлог давуу тал

Бага сургууль байгуулагдаад 6 дахь хичээлийн жилтэйгээ золгож , өнөөдрийн байдлаар 18 бүлэгт 524 суралцагч , 24 багшийн хамтаар сургалтын үйл ажиллагаагаа зохион байгуулж байна. Бага боловсролын сургалтын онцлог давуу тал нь амьдралын зөв дадал хэвшилтэй, зөв хандлага харилцаатай, өөрөө оролцож , өөрөө бүтээх хүсэл эрмэлзэл дүүрэн "ШИНЭ Монгол" хүүхдийг төлөвшүүлэхэд анхаарч олон талт ажлуудыг уламжлал болгон зохион явуулж хийж ирсэн баялаг түүхтэй сургууль.

Бага сургуулийн сургалтын давуу тал нь чадварт суурилсан "Монгол хэл, бичгийн сургалтын хөтөлбөр", 3-р ангиас англи хэлний" Grape seed" хөтөлбөр, 1 ангиас " Оюуны хөгжил " хичээлүүдийг үзэж судлахын зэрэгцээ, хүүхэд бүрийн ахиц, хөгжлийг дэмжсэн , урамшуулсан, сайшаасан, бүтээлч санаачилгатай, ажилсаг багш нарын баг та бүхэнд үйлчилж байдагт оршдог юм.

“ШИНЭ МОНГОЛ" БАГА СУРГУУЛИЙН МАТЕМАТИКИЙН СУРГАЛТААР ОЛГОГДОХ ЧАДВАРУУД

Шинэ Монгол бага сургуулийн Монгол хэлний сургалтаар олгогдох чадварууд

Бэлгэ тэмдэг


Сургуулийн бэлгэ тэмдэг нь монголчуудын эртнээс эрхэмлэн ирсэн нар, сарыг дүрсэлсэн дэвсгэр дээр Шинэ Монгол гэдэг үгийн толгой үсгийг монгол эвхмэл бичгээр бичсэн байдалтай байна. Суурь өнгө нь мандан бадрахын бэлгэдэл улаан, цэвэр ариун сүүн сэтгэлийн бэлгэдэл цагаан өнгөний хослол байна. Сургуулийн туг нь хөрст дэлхийг бэлгэдсэн ногоон суурь өнгөн дээр сургуулийн бэлгэ тэмдгийг голлуулж, доор нь Ерөнхий боловсролын Шинэ Монгол сургууль гэж бичсэн байна. Хичээлийн шинэ жилийн нээлт, хаврын төгсөлтийн баяр болон сургуулиас зохион байгуулж буй уралдаан тэмцээн, сургалт хүмүүжлийн аливаа арга хэмжээнд сургуулийн тугийг тайз болон ёслолын талбайд байрлуулна. Сургуулийн туг манай сургуулийн цог хийморь, амжилт бүтээлийн бэлгэдэл тул газарт тавихгүй хүндэтгэлтэй хандана.

Шинэ Монгол сургуулийн сүлд дуу ♪

Хөгжмийг Д.Эрдэнэбаяр Шүлгийг М.Буянтогтох
Наран улсын итгэл тээж
Номын ариун хур буулгасан
Ирэх цагийн эрдмийн орой
Идэр насны мөнхийн дуулал
   Дахилт:      
Шинэ Монгол, Шинэ Монгол
Азийн зүрхэнд ассан гал
Шинэ монгол, шинэ монгол
Алдраа өргөсөн манай сургууль
Буурал түүхийг алтаар ширээж
Баян Монголд алдраа өргөсөн
Залуу насны эрдмийн гараа
Замбуулинг багтаах эрдмийн өргөө
Дахилт:      
Бумбын сайхан орныхоо
Буяныг дагаад сансарт цойлсон
Алтан соёмбоо тэнгэрт мандуулж
Ариун үйлсээр цацлаа өргөнө
Дахилт: