新モンゴル高等学校へようこそ
ерөнхий боловсролын шинэ монгол сургууль
SHINE MONGOL HIGH SCHOOL

Шинэ Монгол Дунд сургууль

Дунд сургуулийн сургалтын хөтөлбөр, онцлог давуу тал

"ШИНЭ МОНГОЛ" дунд сургууль нь байгалийн ухаан, гадаад хэлний төрөлжсөн сургалттай сургууль бөгөөд 2005 онд сургалт хүмүүжлийн үйл ажиллагаагаа явуулж эхэлсэн.

Япон улсын бага, дунд сургуульд мэргэжил дээшлүүлж, зэрэг хамгаалсан багш нар япон орны сургалт дахь дэвшилтэт арга барил, хэлбэрүүдийг өөрийн орны онцлог болон боломжид тулгуурлан боловсролын стандартын батлагдсан хөтөлбөрийг 20-30%-ийн баяжилттайгаар зааж байна.

Сурагчдын нийгмийн идэвх оролцоог бүхий л талаар хөгжүүлэх зорилгоор 29 төрлийн секц, дугуйланд хамруулдаг. Мөн математик, физик, хими, англи хэл, япон хэлний СОНГОН суралцах хичээл хичээллүүлдэг ба англи, япон хэлийг зэрэг судална.

Бэлгэ тэмдэг


Сургуулийн бэлгэ тэмдэг нь монголчуудын эртнээс эрхэмлэн ирсэн нар, сарыг дүрсэлсэн дэвсгэр дээр Шинэ Монгол гэдэг үгийн толгой үсгийг монгол эвхмэл бичгээр бичсэн байдалтай байна. Суурь өнгө нь мандан бадрахын бэлгэдэл улаан, цэвэр ариун сүүн сэтгэлийн бэлгэдэл цагаан өнгөний хослол байна. Сургуулийн туг нь хөрст дэлхийг бэлгэдсэн ногоон суурь өнгөн дээр сургуулийн бэлгэ тэмдгийг голлуулж, доор нь Ерөнхий боловсролын Шинэ Монгол сургууль гэж бичсэн байна. Хичээлийн шинэ жилийн нээлт, хаврын төгсөлтийн баяр болон сургуулиас зохион байгуулж буй уралдаан тэмцээн, сургалт хүмүүжлийн аливаа арга хэмжээнд сургуулийн тугийг тайз болон ёслолын талбайд байрлуулна. Сургуулийн туг манай сургуулийн цог хийморь, амжилт бүтээлийн бэлгэдэл тул газарт тавихгүй хүндэтгэлтэй хандана.

Шинэ Монгол сургуулийн сүлд дуу ♪

Хөгжмийг Д.Эрдэнэбаяр Шүлгийг М.Буянтогтох
Наран улсын итгэл тээж
Номын ариун хур буулгасан
Ирэх цагийн эрдмийн орой
Идэр насны мөнхийн дуулал
   Дахилт:      
Шинэ Монгол, Шинэ Монгол
Азийн зүрхэнд ассан гал
Шинэ монгол, шинэ монгол
Алдраа өргөсөн манай сургууль
Буурал түүхийг алтаар ширээж
Баян Монголд алдраа өргөсөн
Залуу насны эрдмийн гараа
Замбуулинг багтаах эрдмийн өргөө
Дахилт:      
Бумбын сайхан орныхоо
Буяныг дагаад сансарт цойлсон
Алтан соёмбоо тэнгэрт мандуулж
Ариун үйлсээр цацлаа өргөнө
Дахилт: